Kunsthandel 19. juli 2010
Skrive av Oddmund og lagra i: Jostedalen | skriv ein kommentarIkkje det største storverket i norsk kunstsoge. Men då eit handkolorert trykk av det velkjende motivet til Joachim Frich dukka opp på salsutstillinga til eit antikvariat på Tørvis hotell fredag, var det berre å slå til. Teikninga av Joachim Frich stod (svart-kvitt) i Norge fremstillet i Tegninger (1846-48) av Chr. Tønsberg, eit verk som gjekk sin sigersgang i store opplag og mange utgåver utover på 1800-talet. Meir hjå Jostedal historielag. Sjå svart-kvitt-versjonen her.
Kyrkjeboka lansert 5. juli 2010
Skrive av Oddmund og lagra i: Historie, Jostedalen | skriv ein kommentarLaurdag 26. juni vart jubileumsboka om Jostedal kyrkje lansert på Breheimsenteret. Det store lasset har forfattarane Kåre Øvregard og Asbjørg Ormberg og biletredaktør Kristen Ormberg drege. Men eg har fått vere med og har hatt mykje glede av å skrive eit kapittel om økonomien i presteembetet (det dårlegaste i landet) og eitt om Jostedal prestegard. Skald forlag har sytt for at det har vorte ei særs fin bok. Meir om boka hjå Jostedal historielag, der mange av kjeldene òg er lagde ut. På lanseringa hadde eg eit lite innlegg som ligg her.
Kyrkjesoge 18. januar 2010
Skrive av Oddmund og lagra i: Historie, Jostedalen | 1 kommentar til noJostedal kyrkje er 350 år i år, og eg har skrive eit par kapittel til jubileumsboka (kjem til sommaren), om prestegarden og økonomien i prestekallet. Her er uhorveleg mykje spanande stoff om tilhøva i bygda, særleg på 1600- og 1700-talet, så eg let eit manusutkast liggja ute nokre veker ifall nokon skulle ha ein kommentar eller to til teksten (vart teke bort 12/2).
Mykje av det sentrale kjeldetilfanget er elles lagt ut på nettstaden til Jostedal historielag.
Kvalitet – små og store skular 7. november 2009
Skrive av Oddmund og lagra i: Jostedalen, Politikk | 2 kommentararI budsjettframlegget for 2010 går rådmannen som kjent inn for å flytte 7. klassingane ved skulane Jostedal, Skjolden og Indre Hafslo til Dale og Gaupne. Grunngjevinga er fyrst og fremst økonomisk, men vert òg forsvart fagleg med følgjande setning:
Trinna med små elevgrupper får gjerne meir optimale utfordringar, fagleg og sosialt, i noko større pedagogiske fellesskap. (s. 31)
I rådmannsstaben har ein alt vedgått at dette ikkje botnar i ei konkret vurdering av faglege og sosiale tilhøve ved dei skulane det gjeld, men at ein stør seg på generelle vurderingar av små og større skular. Me har spurt om tilvisingar til faglitteratur som kan underbyggje dette. I ventetida kan me jo sjå kva eit par fagfolk på feltet meiner. (mer…)
7. klassen ved Jostedal skule til Gaupne? 31. oktober 2009
Skrive av Oddmund og lagra i: Jostedalen, Politikk | 3 kommentararRådmannen kom med framlegget sitt til kommunebudsjett for 2010 på torsdag. Framleis er det mange som ikkje kjenner detaljane i det hårreisande framlegget om flytting av 7. klassingane ved Jostedal skule, så her kjem dei. Kort oppsummert: (mer…)
På bui 12. august 2009
Skrive av Oddmund og lagra i: Heimeliv, Jostedalen | 2 kommentararMe veit det godt, men når ymse reparasjonar i heimen skal utførast, får ein det meste i andrehøgdi på Kristen-bui. I dag trong eg to ting og fekk båe:
NM i komma 29. september 2008
Skrive av Oddmund og lagra i: Jostedalen | 16 kommentararOppgåve: finn ein feil. (Om potetdagen: sjå historielaget)
Potet 24. september 2008
Skrive av Oddmund og lagra i: Jostedalen | skriv ein kommentarDei sameinte nasjonane seier at 2008 er det internasjonale potetåret. Sidan Jostedalen er med i SN, vert det stor potedag laurdag 27. september. Her kan ein prøve å slå Marit i Kroken (gløym det!) i kvalifiseringa til NM i poteskrelling på Hamar. I mellomtida kan de ta ein lett potato quiz (for born).
Meir om Tshering-aksjonen 30. august 2008
Skrive av Oddmund og lagra i: Jostedalen | 1 kommentar til noToppoppslaget på Vestlandsrevyen fredag var om aksjonen - Tshering og Steinar B intervjua.
Det finst mengder med informasjon på nettet om K2-ulukka, særleg etter at dei overlevande vestlege klatrarane kom heim. Her er eit par med relevans for denne aksjonen:
> Minneord om Jumik Bothe (The Adventurist)
> August 2008 K2 climbing accident (engelsk wikipedia)
Oppropet frå Jostedalen breførarlag:
’Høgfjellsføraren Tshering Pande Bhote frå Nepal – som i fleire sommarsesongar har arbeidd som bre- og fjellførar i Jostedalen Breførarlag – mista svogeren og nevøen sin i den tragiske dødsulukka på K2 no i byrjinga av august. Dei var begge to tilsett i selskapet til Tshering, Himalayan Guides Nepal. Søstera til Tshering sit no att med to små ungar, ho hadde akkurat fått sitt andre barn rett før mannen hennar reiste til K2 og vart drepen i israset på toppen av fjellet. I tillegg til å ha mista mann og far har familien også mista forsørgjaren sin. Nevøen til Tshering etterlet seg og kone og eit lite barn.
Tsherings støttefond 25. august 2008
Skrive av Oddmund og lagra i: Jostedalen | skriv ein kommentar 
Jostedalen breførarlag har teke eit prisverdig intiativ til eit støttefond for ein av sine tilsette, Tshering Pande Bhote. Fjellføraren frå Nepal har no gledd oss med det blide oppsynet sitt gjennom fleire somrar.
Den mykje omtalte K2-ulukka i Pakistan 1. august hadde òg nokre offer som har vore mindre framme i vestlege media. To av dei elleve drepne var svogeren og ein nevø av Tshering. Systera hans hadde fått ein unge rett før ulukka, og Tshering har no dei to enkjene og tre borna å forsørgja.
Kontonummeret til Tsherings støttefond er 3785.12.75704. E-posten frå breførarlaget og litt meir informasjon ligg på nettsida til Randi Skaug, fyrste norske kvinne på Everest (der Tshering har vore fem gonger). Sjå òg eit oppslag i Ringerike Blad og nettsida til føringsfirmaet hans.
