Kommentarer til: Grisgrendtfylket

Av: oddmund

oddmund — Mon, 18 Jan 2010 19:40:54 +0000

…noko lågare folketal enn i dag. Ja, grunn til uro, men nei, ikkje på veg utfor noko stup. NIBR-rapporten peikar òg på at det trass alt ikkje trengst så mange fleire barnefamiliar enn i dag før folketalet vert konsolidert. Men igjen: Regionsentera våre er (av historiske grunnar) for veike til å greia dette åleine. Difor må utviklingsaktørar i spreiddbygde og tettbygde strok spela på lag. Og det er til å undrast over at nokon trur at folketalet i fylket kan konsoliderast eller aukast gjennom meir indre kannibalisme.

Av: Odd Frantzen

Odd Frantzen — Mon, 18 Jan 2010 15:14:25 +0000

Det som er alarmerande er jo at sjølv om folketalet totalt sett ikkje endrar seg så mykje, så skjer det demografiske endringar som gjer grunn til uro. Eg skriv dette fordi eg har lese blogginnlegget til Anne Karin Hamre hjå fylkesmannen. Ho skriv at det flyttar fleire unge ut enn inn. Og at Sogn og Fjordane er det fylket med desidert flest eldre i høve til resten av befolkninga: Eldrefylket. Om ei slik utvikling får halde fram så blir resultatet..

Av: Jostedalsrypa · Historielaus fylkesdebatt

Jostedalsrypa · Historielaus fylkesdebatt — Mon, 18 Jan 2010 14:35:43 +0000

[...] for å få Sogn og Fjordane til å ha like stor folkevekst som til dømes Hordaland. Eg tilrår: Bloggen til husbonden. Han er ikkje så dum, han. Eg [...]

Av: Oddmund

Oddmund — Mon, 18 Jan 2010 13:54:16 +0000

Sogn og Fjordane har i dag temmeleg nøyaktig det same folketalet som for 20 år sidan (119 fleire), så om me ikkje får til ei endring på 20 år, vert det neppe noka endring.
Det er ikkje slik at Sogn og Fjordane står rett framfor ein katastrofe. Det er nettopp når domedagsprofetiane får saueflokken til å breka etter panikktiltak av typen “sats på regionsentera, gløym småbygdene” at det er på tide å putta litt is i magen.
Sjølvsagt hadde det vore fint om også noko av den sterke folketalsveksten i Noreg framover kom SFj til gode. Men hovudpoenget mitt var at dette fylket er slik samansett at ein er nøydd både til å satsa på regionsenter (kven vil ikkje det?) OG dei spreiddbygde områda, elles går det nedover OGSÅ med regionsentera. For regionsentera våre vil aldri bli så sterke at dei kan kompensera for ei sterk fråflytting frå utkantkommunane, slik t.d. Bergen kan i Hordaland.
Altså: SFj treng å skapa gode stader å bu, eit sterkt næringsliv og offentlege arbeidsplassar både i regionsentra og utover på bygdene.

Av: Odd Frantzen

Odd Frantzen — Mon, 18 Jan 2010 12:44:51 +0000

Den store utfordringa er: Kva er Sogn og Fjordane i framtida dersom vi ikkje greier å snu trenden? Når det stadig går nedover veit vi jo alle kvar det til slutt endar.

Med bakgrunn i dette er det kanskje ikkje så rart at ein er oppteken av folketalsutviklinga?

Ein kan like det eller ikkje, når det blir stadig fleire eldre og stadig færre som kan føde born så er me på veg utfor stupet. Pilane peikar i den retninga i dag.

Kva er Sogn og Fjordane om la oss sei 20 år om vi ikkje får til ei endring?