Nettstaden til Oddmund Løkensgard Hoel

Oppgåve: finn ein feil. (Om potetdagen: sjå historielaget)

Dei sameinte nasjonane seier at 2008 er det internasjonale potetåret. Sidan Jostedalen er med i SN, vert det stor potedag laurdag 27. september. Her kan ein prøve å slå Marit i Kroken (gløym det!) i kvalifiseringa til NM i poteskrelling på Hamar. I mellomtida kan de ta ein lett potato quiz (for born).

Toppoppslaget på Vestlandsrevyen fredag var om aksjonen – Tshering og Steinar B intervjua.

Det finst mengder med informasjon på nettet om K2-ulukka, særleg etter at dei overlevande vestlege klatrarane kom heim. Her er eit par med relevans for denne aksjonen:
> Minneord om Jumik Bothe (The Adventurist)
> August 2008 K2 climbing accident (engelsk wikipedia)

Oppropet frå Jostedalen breførarlag:

’Høgfjellsføraren Tshering Pande Bhote frå Nepal  – som i fleire sommarsesongar har arbeidd som bre- og fjellførar i Jostedalen Breførarlag – mista svogeren og nevøen sin i den tragiske dødsulukka på K2 no i byrjinga av august. Dei var begge to tilsett i selskapet til Tshering, Himalayan Guides Nepal. Søstera til Tshering sit no att med to små ungar, ho hadde akkurat fått sitt andre barn rett før mannen hennar reiste til K2 og vart drepen i israset på toppen av fjellet. I tillegg til å ha mista mann og far har familien også mista forsørgjaren sin. Nevøen til Tshering etterlet seg og kone og eit lite barn.

Les meir →

Jostedalen breførarlag har teke eit prisverdig intiativ til eit støttefond for ein av sine tilsette, Tshering Pande Bhote. Fjellføraren frå Nepal har no gledd oss med det blide oppsynet sitt gjennom fleire somrar.

Den mykje omtalte K2-ulukka i Pakistan 1. august hadde òg nokre offer som har vore mindre framme i vestlege media. To av dei elleve drepne var svogeren og ein nevø av Tshering. Systera hans hadde fått ein unge rett før ulukka, og Tshering har no dei to enkjene og tre borna å forsørgja.

Kontonummeret til Tsherings støttefond er 3785.12.75704. E-posten frå breførarlaget og litt meir informasjon ligg på nettsida til Randi Skaug, fyrste norske kvinne på Everest (der Tshering har vore fem gonger). Sjå òg eit oppslag i Ringerike Blad og nettsida til føringsfirmaet hans.